Ang LGU Moalboal maghigpit na sa pagpatuman sa Ordinansa No. 148-2020, nga nagmando nga ang tanang tigbaligya og isda ug karne kinahanglan magdisplay ug magbaligya sa ilang mga produkto sulod lamang sa gitudlo nga wet market area. Tumong niini ang pagmintinar sa kahapsay, kalimpyo, ug kaluwasan sa pagkaon alang sa mga konsumidor, ilabi na kay adunay pipila ka tigbaligya nga nagpadayon sa pagbaligya gawas sa wet market bisan pa og adunay igo nga espasyo sulod niini.
Ubos sa maong ordinansa, ang tanang tigbaligya og isda ug karne sa lungsod gimandoan nga gamiton lamang ang wet market isip ilang lugar sa pagbaligya, subay sa mga pamantayan sa sanitasyon ug panglawas sa publiko. Ang mga molapas sa ordinansa atubangon ang mas taas nga silot: multa nga alang sa unang paglapas, , alang sa ikaduhang paglapas, ug , o ka adlaw nga pagkabilanggo, o pareho, alang sa ikatulong paglapas, sumala sa hukom sa korte.
Sugod Lunes, Marso 2, 2026 palig-onon na sa LGU ang kampanya sa impormasyon sulod sa merkado aron masiguro ang hugot nga pagsunod sa tanang hingtungdan nga tigbaligya. Ang ordinansa magpabiling ipaskil sa wet market, public market, ug municipal building aron mapahibalo ang publiko ug mapahinumdoman ang mga tigbaligya sa ilang mga obligasyon ubos sa lokal ug nasyonal nga mga regulasyon sa panglawas ug sanitasyon.
About Post Author
