Mga hulagway human sa pagbisita ni Governor Gwen Garcia karung adlawa, January 19, 2022, para sa pormal nga pag-turn over sa provincial assistance cards/vouchers nga gamiton para sa pag-purchase ug mga building materials sama sa GI sheets (sin), umbrella ug common nails (lansang), plywood, ug uban pa.
Ang maong building materials ug ang kauban niining cards/vouchers usa ka initiative ubos sa Dasig Sugbo Program sa Capitolyo ug intended para sa mga Sugbuanon nga naapektuhan sa Bagyong Odette.
Ang cards/vouchers ipang-apud apud pinaagi sa MSWD Office ngadtu sa mga barangay sa mga musunod nga adlaw human sila ma briefing sa saktong pag-gamit niini. Gipasabot usab ni Governor Gwen nga first batch pa lamang kini ug gi-una pa pagka-karun ang mga totally damaged households. Musunod ra usab dayun ang para sa mga partially damaged households. Matag card/voucher adunay Php 8,000 nga magamit lamang sa mga specified materials ug sa mga acceedited merchants sa Probinsya sa Sugbo.
Gipangulohan ang Ceremonial Turn-over ni Cebu Provincial Governor Gwen F. Garcia ug Municipal Mayor Paz “Lingling” A. Rozgoni, inubanan nila ni Municipal Vice-Mayor Inocentes “Titing” G. Cabaron, 7th District Board Member Jerome Librando, PNP Cebu Provincial Director Col. Engelbert Soriano ug Alcantara Municipal Mayor Fritz Lastimoso. Kompleto usab ang 15 ka mga Punong Barangay ug mga LGU Department Heads and employees sa lungsod sa Moalboal.
Daghang salamat, Governor Gwen ug sa tibuok Cebu Provincial Government!
About Post Author
